آئی بی ایس ایف ورلڈ انڈر 17 اسنوکر چیمپئن شپ میں پاکستان کے حسنین اختر فائنل میں پہنچ گئے۔ فائنل میں حسنین کا مقابلہ کل ویلز کے رائیلی پاویل سے ہوگا۔
سیمی فائنل میں حسنین اختر نے پولینڈ کے اولیور نیزاویک کو شکست دی۔
پولش پلیئر پاکستان کے کھلاڑی کے خلاف ایک فریم بھی نہ جیت سکے۔
حسنین اختر کی جیت کا اسکور 76-1، 69-8، 88-0 اور 62-37 رہا۔
صبح کے سیشن میں حسنین اختر نے کوارٹر فائنل میں کیشٹوف چیپنک کو 3-1 سے ہرایا تھا۔
حسنین آئی بی ایس ایف ورلڈ انڈر 17 چیمپپئن شپ کے فائنل میں جگہ بنانے والے پہلے پاکستانی پلیئر ہیں۔ وہ اس وقت ایشین انڈر 21 چیمپئن بھی ہیں۔
2022 سے قبل اس چیمپئن شپ کو انڈر 18 کا درجہ حاصل تھا اور انڈر 18 ورلڈ چیمپئن شپ میں پاکستان کے نسیم اختر نے 2017 کا ٹائتل جیتا تھا۔
