بالی ووڈ گلوکار راہول فاضلپوریہ پر فائرنگ کے واقعے میں پولیس نے ایک مشتبہ شخص کو گرفتار کر لیا ہے۔
پولیس کے مطابق گرفتار ملزم کی شناخت 25 سالہ وشال کے نام سے ہوئی ہے جو سونپیٹ ہریانہ کا رہائشی ہے، وشال نے گلوکار فضلپوریہ کی نقل و حرکت پر نظر رکھی اور اپنے ساتھیوں کے ساتھ مل کر حملے کی منصوبہ بندی کی۔
یہ گرفتاری گڑگاؤں کرائم برانچ کی جانب سے کی گئی ایک تفصیلی تفتیش کے بعد عمل میں آئی۔
پولیس نے ملزم وشال سے مزید تفتیش شروع کر دی ہے اور حملے میں ملوث دیگر افراد کی تلاش جاری ہے۔
یاد رہے کہ چند روز قبل گلوکار راہول فضلپوریہ پر گڑگاؤں میں نامعلوم افراد نے فائرنگ کی تھی، تاہم وہ اس حملے میں محفوظ رہے تھے۔
