کراچی (اسٹاف رپورٹر) پاکستان کرکٹ بورڈنے ڈومیسٹک سیزن کے لیے تین درجاتی ڈیپارٹمنٹل کرکٹ اسٹرکچر متعارف کرایا ہے۔گریڈ ون اور ٹو کے بعد پہلی دفعہ گریڈ تھری ٹورنامنٹ بھی کھیلا جائے گا۔گریڈ ون میں آٹھ ڈیپارٹمنٹل کرکٹ ٹیمیں نومبر- دسمبر میں ون ڈے کپ کھیلیں گی، فرسٹ کلاس ٹورنامنٹ پریذیڈنٹ ٹرافی دسمبر اور جنوری میں کھیلا جائے گا۔ گریڈ ٹو میں اس بار صرف 14 ٹیمیں حصہ لیں گی، جن میں 12 گزشتہ ٹورنامنٹ سے جبکہ 2 گریڈایک کی آخری دوٹیمیں شامل ہیں۔ پریذیڈنٹ ٹرافی گریڈ ٹو مارچ سے مئی 2026 میں کھیلا جائے گا۔ ہر سال گریڈ تھری کی ٹاپ ٹو ٹیمیں گریڈ ٹو میں جگہ بنا سکیں گی، جبکہ گریڈ ٹو کی چیمپئن ٹیم گریڈ ون کیلئے کوالیفائی کرے گی۔ ڈیپارٹمنٹل کرکٹ کی درجہ بندی سے 40 سے زائد ڈیپارٹمنٹ بہترین کرکٹ کھیلیں گے ۔
