پنجاب کے علاقے منڈی بہاؤالدین میں شدید بارش کے باعث جیل کی دیوار گرنے کے بعد 824 قیدیوں کو دوسری جیل منتقل کردیا گیا ہے۔
ایکسپریس نیوز کے مطابق آئی جی جیل خانہ جات میاں فاروق نذیر نے بتایا کہ کُل 824 قیدیوں کو سامان سمیت نئی جیل میں منتقل کر دیا گیا۔ انہوں نے بتایا کہ 100 حوالاتی قیدیوں کو حافظ آباد ڈسٹرکٹ جیل میں منتقل کیا گیا ہے۔
میاں فاروق نذیر کے مطابق آئندہ چند روز تک حوالاتی قیدیوں کو ڈسٹرکٹ جیل حافظ آباد منتقل کیا جائے گا، سزا یافتہ قیدیوں کو کوٹ لکھپت جیل لاہور منتقل کیا جائے گا۔
آئی جی جیل خانہ جات نے کہا کہ 15 روز کے بعد جیل کی دیوار بنا کر جیل کا ہیلتھ کی ٹیمیں وزٹ کریں گی اور جراثیم کی سپرے کے بعد دوبارہ قیدیوں کو جیل میں منتقل کیا جائے گا۔
میاں فاروق نذیر کے مطابق 2023 میں بھی جیل میں شدید بارشوں کے باعث پانی بھر گیا تھا جس کے بعد قیدیوں کو عارضی جیلوں میں منتقل کردیا گیا تھا۔
انہوں نے کہا کہ جیل کے اطراف میں کنکریٹ کا بند بنا کر جیل کو مستقل طور پر پانی سے محفوظ بنانے کی کوشش کریں گے۔
