28 C
Lahore
Wednesday, July 16, 2025
ہومغزہ لہو لہوایچ ای سی چیئرمین کے عہدے میں توسیع کا چانس ہے نہ...

ایچ ای سی چیئرمین کے عہدے میں توسیع کا چانس ہے نہ کوئی قانونی گنجائش، وفاقی وزیر تعلیم



اسلام آباد:

وفاقی وزیر تعلیم ڈاکٹر خالد مقبول صدیقی نے واضح کیا ہے کہ چیئرمین ایچ ای سی کی توسیع کا کوئی چانس نہیں ہے اور نہ ہی قانون میں کوئی گنجائش ہے۔

وفاقی دارالحکومت میں فیڈرل بورڈ کے زیر انتظام سیکنڈری اسکول سرٹیفکیٹ کے امتحانات کے نتائج کے بعد میڈیا سے غیر رسمی گفتگو کرتے ہوئے خالد مقبول صدیقی کا کہنا تھا کہ سرچ کمیٹی کے آج کے اجلاس میں اسامی مشتہر کرنے کا فیصلہ کیا جائے گا۔

ڈاکٹر خالد مقبول صدیقی نے کہا کہ چیئرمین ایچ ای سی کی تعیناتی بہت جلد اور میرٹ پر ہو گی۔ حکومت مکمل شفاف طریقے سے خود مختار چیئرمین لگائے گی۔ آج چیئرمین ایچ ای سی کی سرچ کمیٹی کا اجلاس ہے  اور آج اشتہار کے بارے میں فیصلہ ہو جائے گا۔

انہوں نے مزید کہا کہ ایچ ای سی کے ارکان میں سے کسی کو چارج دیا جائے گا اور موجودہ چیئرمین ایچ ای سی کی توسیع کی کوئی تجویز زیر غور نہیں اور نہ ہی ان کی خواہش ہے۔ ایچ ای سی کے ایکٹ کے مطابق کمیشن رکن ہی کو قائم مقام چیئرمین بنایا جائے گا۔

اس موقع پر صحافی کی جانب سے سوال کیا گیا کہ عدالت سے حکم امتناع کے باوجود ای ڈی ایچ ای سی کو چارج نہیں لینے دیا گیا، جس پر وزیر تعلیم نے جواب دیا کہ حیرت ہوئی کہ ای ڈی ایچ ای سی عدالت سے حکم امتناع لائے مگر جوائننگ نہیں ہوئی۔ ویسے تو پورا ملک ہی سٹے پر چل رہا ہے ۔



مقالات ذات صلة

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

الأكثر شهرة

احدث التعليقات