پاکستان ایشین انڈر16 والی بال چیمپئن شپ کے کوارٹر لیگ کے پہلے میچ میں بدھ کو انڈونیشیا سے ٹکرائے گا۔ جمعرات کو دوسرے میچ میں پاکستان کا ٹکراو ایران سےطے ہے، کامیابی کی صورت میں پاکستان کوارٹر فائنل میں شرکت کا اہل ہوگا۔
موصولہ اطلاعات تھائی لینڈ میں جاری چیمپئن شپ میں پاکستان انڈر16 والی بال ٹیم نے گروپ ڈی میں کوریا اور سعودی عرب کو شکست دینے کے بعد چائینیز تائپے کو بھی مات دی۔ ناقابل شکست رہتے ہوئے گروپ چیمپئن کی حیثیت سے پاکستان نے کوارٹر لیگ میں جگہ بنائی۔
