معروف اداکار منیب بٹ کے اہلیہ ایمن خان کے لیے محبت بھرے تبصرے نے مداحوں کے دل جیت لیے۔
پاکستانی شوبز کے دلکش جوڑے منیب بٹ اور ایمن خان ایک بار پھر مداحوں کی توجہ کا مرکز بن گئے، اس بار منیب بٹ کے محبت بھرے الفاظ نے سوشل میڈیا پر دلوں کو چھو لیا۔
حالیہ دنوں ایک مداح نے ایمن خان کی تعریف کرتے ہوئے سوشل میڈیا پر لکھا کہ وہ اپنے وقت کی سب سے خوبصورت لڑکی تھی۔
اس پر منیب بٹ نے جواب دیتے ہوئے کہا کہ وہ اب بھی سب سے خوبصورت ہے، اور اس کا وقت کبھی ختم نہیں ہو سکتا۔
منیب بٹ کے اس جواب نے مداحوں کے دل جیت لیے اور سوشل میڈیا پر ان کی تعریفوں کا سیلاب آ گیا۔
ایک صارف نے لکھا کہ یہی وہ الفاظ ہیں جو ہر عورت اپنی زندگی کے ہر مرحلے میں اپنے شوہر سے سننا چاہتی ہے!
دوسرے نے کہا کہ واہ منیب زبردست شوہر ایسے ہی ہوتے ہیں جو اپنی بیوی کو سب کے سامنے عزت دیں۔
بعض صارفین نے کہا کہ ماشاءاللّٰہ، یہی اصل مرد ہے جو ہر حال میں اپنی بیوی کا ساتھ دے، دل خوش کردیا منیب بھائی، ایمن واقعی خوبصورت اور معصوم ہے۔
