سینئر بھارتی اداکار اور فلمساز دھیرج کمار منگل کو ممبئی کے ایک اسپتال میں نمونیا کے باعث چل بسے، ان کی عمر81 برس تھی۔
ان کے خاندان کی جانب سے جاری ایک بیان کے مطابق انھیں شدید قسم کا نمونیا تھا جس کی وجہ سے انھیں کوکیلابین دھیرو بھائی امبانی اسپتال ممبئی کے آئی سی یو میں داخل کروایا گیا تھا۔
ہندی اور پنجاب فلموں اور ٹی وی شوز میں کام کرنے والے دھیرج کمار کی وجہ شہرت منوج کمار کی فلم ’روٹی کپڑا اور مکان‘ میں اداکاری تھی جبکہ انھوں نے کئی مشہور ٹی وی شوز میں بھی کام کیا۔
وہ پچاس برس سے زیادہ عرصے تک ٹی وی اور فلموں سے منسلک رہے۔
