سندھ ہائیکورٹ نے موٹرسائیکلوں کی نمبر پلیٹس کی تبدیلی کے خلاف درخواست کی فوری سماعت کی استدعا مسترد کردی۔
سندھ ہائیکورٹ کی جانب سے کہا گیا ہے کہ درخواست چھٹیوں کے بعد پیش کی جائے۔
عدالت میں وکیل کا کہنا تھا کہ یہ فوری نوعیت کا معاملہ ہے ہزاروں موٹرسائیکل سواروں کے چالان ہو رہے ہیں۔
جسٹس ذوالفقار نے کہا کہ چند ہزار روپے کا معاملہ چھٹیوں میں لے کر آگئے دیگر اہم کیسز بھی ہیں۔
واضح رہے کہ سماجی کارکن نے نمبر پلیٹس کی تبدیلی کے فیصلے کے خلاف درخواست دائر کی ہے جس میں سیکریٹری ایکسائز اینڈ ٹیکسیشن ،موٹر وہیکل رجسٹریشن ونگ اور ڈی آئی جی ٹریفک کو فریق بنایا گیا ہے۔
