جنسی استحصال کے کیس میں الہ آباد کی ہائی کورٹ نے بھارتی کرکٹر یش دیال کی گرفتاری پر حکم امتناع جاری کر دیا۔
بھارتی میڈیا کے مطابق ہائی کورٹ نے اگلی سماعت تک پولیس کو یش دیال کو گرفتار کرنے سے روک دیا۔
دوران سماعت عدالت نے کہا کہ آپ ایک دو دن تک بے وقوف بنا سکتے ہیں، کوئی کسی کو کیسے 5 سال تک بےوقوف بنا سکتا ہے۔
بھارتی میڈیا کے مطابق غازی آباد میں یش دیال کے خلاف 6 جولائی کو ایف آئی آر کا اندراج ہوا تھا۔
بھارتی میڈیا کے مطابق رائل چیلنجرز بنگلور (آر سی بی) کے فاسٹ بولر یش دیال کے خلاف ایک خاتون سے زیادتی کا کیس رجسٹرڈ کیا گیا تھا۔
ایک خاتون نے فاسٹ بولر یش دیال پر جنسی استحصال کا الزام لگایا تھا، غازی آباد کی خاتون نے فاسٹ بولر پر جنسی استحصال کے خلاف مقدمہ درج کرنے کی درخواست دی تھی۔
