راولپنڈی کی اڈیالا جیل میں دہشتگردی سے نمٹنے کیلئے مشقیں کی گئیں، پولیسں، رینجرز، ریسکیو 1122، فائر بریگیڈ، سول ڈیفنس، بم ڈسپوزل اسکواڈ کے اہل کار مشقوں میں شریک ہوئے۔
اڈیالا جیل میں آگ لگنے، ہنگامی حالت سے نمٹنے اور ریسکیو کرنے کی مشق کی گئی، فرضی مشق میں جیل میں گھسنے والے مشکوک افراد کو پکڑنے کا مظاہرہ کیا گیا۔
مشق میں دھماکوں کےدوران لوگوں کو ریسکیو کرنے کا بھی مظاہرہ کیا گیا۔
اعلامیے کے مطابق فرضی مشقوں میں تمام اداروں کا رسپانس ٹائم بروقت پایا گیا۔
