پاکستان اسٹاک ایکسچینج (پی ایس ایکس) میں کاروباری ہفتے کے پہلے روز نیا سنگ میل عبور ہوگیا، کاروبار میں تاریخی تیزی کے باعث 100 انڈیکس 1 لاکھ 35 ہزار کی حد پار کرگیا۔
بازار حصص میں سرمایہ کاروں کے اعتماد میں نمایاں بہتری سے کاروبار کے دوران 100 انڈیکس میں ایک ہزار 207 پوائنٹس کا اضافہ دیکھا گیا جس کے بعد انڈیکس 1 لاکھ 35 ہزار 507 پوائنٹس پر پہنچ گیا۔
ٹریڈنگ کے دوران 100 انڈیکس 1 لاکھ 35 ہزار 521 کی بلند ترین سطح پر بھی پہنچا۔
گزشتہ ہفتے کے آخری کاروباری دن کے اختتام پر 100 انڈیکس بڑے اضافے کے ساتھ ایک لاکھ 34 ہزار 299 پوائنٹس کی حد پر بند ہوا تھا۔
