اسلام آباد کی انتظامیہ نے مبہم اور ذو معنی سنہرے ہاتھوں والے مانومنٹ کو ہٹا دیا۔
تفصیلات کے مطابق اسلام آباد ڈی 12 میں دو سنہرے ہاتھوں کی ہتھیلیوں میں گیندوں والا مجسمہ نصب کیا گیا تھا جس کے بعد سوشل میڈیا پر اس ذو معنی یا معنی خیز مانومنٹ کے حوالے سے صارفین نے تبصرے کیے۔
سوشل میڈیا پر معاملہ اجاگر ہونے کے بعد ایران ایونیو پر لگے اس مجسمے کو انتظامیہ کی جانب سے اتارر دیا گیا ہے جبکہ ابھی انہیں نصب ہوئے چند گھنٹے ہی ہوئے تھے۔
سی ڈی اے کی ہدایت پر نجی کمپنی نے چوک میں لگائے گئے مجسموں کو ہٹانا شروع کردیا اور بھاری مشینری کی مدد سے ایک کو ہٹا دیا جبکہ دوسرے پر کپڑا ڈھک دیا ہے۔
کیپٹل ڈیویلپمنٹ اتھارٹی (سی ڈی اے) کے ترجمان نے کہا کہ مذکورہ مجسموں کے ڈیزائن کی منظوری نہیں لی گئی تھی اس لیے انہیں ہٹانے کی ہدایت کردی گئی ہے۔
