ملک بھر کی صرافہ مارکیٹوں میں آج مسلسل تیسرے دن سونے کے بھاؤ میں اضافہ ہوگیا۔
آل پاکستان صرافہ جیمز اینڈ جیولرز ایسوسی ایشن کے مطابق ملک میں فی تولہ سونے کا بھاؤ 11 سو روپے بڑھا ہے۔
اس اضافے کے بعد سونے کی فی تولہ قیمت 3 لاکھ 58 ہزار 100 روپے ہوگئی ہے۔
اسی طرح 10 گرام سونے کا بھاؤ 944 روپے کے اضافے سے 3 لاکھ 7 ہزار 13روپے ہے۔
ایسوسی ایشن کے مطابق عالمی بازار میں سونے کا بھاؤ 11 ڈالر کے اضافے سے 3 ہزار 356 ڈالر فی اونس ہو گیا۔
