31 C
Lahore
Friday, July 11, 2025
ہومانٹرٹینمنٹایریزونا میں 20 کروڑ سال پرانے اڑنے والے دیو ہیکل جانور کی...

ایریزونا میں 20 کروڑ سال پرانے اڑنے والے دیو ہیکل جانور کی باقیات دریافت


تصاویر بشکریہ بین الاقوامی میڈیا

 امریکی ریاست ایریزونا میں ماہرینِ حیاتیات نے تقریباً 200 ملین سال پرانے ایک اڑنے والے دیو ہیکل جانور کی باقیات دریافت کی ہیں، جو سائنسی لحاظ سے ایک نادر اور انقلابی دریافت سمجھی جا رہی ہے۔

یہ فوسلز پٹیروسار (Pterosaur) نسل سے تعلق رکھتے ہیں، جو ٹرائیسک عہد (Triassic Period) کے جاندار تھے یعنی وہ زمانہ جب زمین پر ڈائنوسارز نے قدم رکھنا شروع کیا تھا۔

یہ اہم دریافت ایریزونا کے علاقے چِنل فارمیشن (Chinle Formation) سے ہوئی، جو زمین کی ارضیاتی ساخت کے حوالے سے امریکا کا ایک نہایت اہم خطہ سمجھا جاتا ہے۔

پٹیروسارز وہ ابتدائی رینگنے والے جاندار تھے جو سب سے پہلے فضا میں پرواز کے قابل ہوئے، ان کے پروں کا پھیلاؤ تقریباً 1.5 میٹر یا اس سے زیادہ ہوتا تھا، جبکہ ان کا جسم ہلکا پھلکا اور لمبی کھوپڑی دانتوں سمیت شکار کے لیے موزوں تھی۔

یہ باقیات ثبوت فراہم کرتی ہیں کہ پٹیروسارز امریکہ کے جنوب مغربی علاقوں میں بھی موجود تھے، اس سے قبل ان کی موجودگی کے شواہد صرف یورپ اور جنوبی امریکا تک محدود تھے، اس دریافت نے ان کے جغرافیائی پھیلاؤ کو نئی وسعت دی ہے۔



مقالات ذات صلة

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

الأكثر شهرة

احدث التعليقات