پاکستان سپر لیگ کی فرنچائز لاہور قلندرز کے چیف ایگزیکٹو عاطف رانا نے سندھ اسمبلی کے اسپیکر سید اویس قادر شاہ سے ملاقات کی ہے۔
اس موقع پر اسپیکر سندھ اسمبلی نے پاکستان سپر لیگ 2025ء میں کامیابی حاصل کرنے پر عاطف رانا کو مبارکباد دی اور لاہور قلندرز کے کرکٹ وژن پر کام کرنے کے انداز کو سراہا۔
عاطف رانا نے اس ملاقات میں بتایا کہ وزیراعظم یوتھ پروگرام کے سلسلے میں لاہور قلندرز سندھ کے مختلف شہروں میں اوپن ٹرائلز کے ذریعے 5 مختلف شہروں میں ٹیمیں تشکیل دے کر سندھ میں ابھرتے کرکٹرز کو موقع فراہم کرے گی۔
اسپیکر سندھ اسمبلی نے اس موقع پر اپنے مکمل تعاون کا یقین دلایا۔
