متحدہ عرب امارات (یو اے ای) میں اے آئی ٹیکنالوجی پر مبنی ہیلمٹ تیار کر لیا گیا ہے۔
عرب میڈیا کی رپورٹ کے مطابق متحدہ عرب امارات کی ٹیم ’امیریٹس- ایکس آر جی‘ نے’ٹور ڈی فرانس‘ میں ایک نیا ہیلمٹ متعارف کروایا ہے جسے مصنوعی ذہانت کا استعمال کرتے ہوئے ڈیزائن کیا گیا ہے۔
یہ ہیلمٹ ابوظبی کی اے آئی کمپنی ’جی 42‘ نے اطالوی مینوفیکچرر ’ایم ای ٹی ہیلمیٹس‘ کے ساتھ مل کر تیار کیا ہے۔
جی 42 کے مطابق ہیلمٹ کی منفرد لیوری کو جدید اے آئی ٹولز کا استعمال کرتے ہوئے ہوا کے بہاؤ اور تخلیقی صلاحیتوں کے ذریعے نقل و حرکت کی تشریح کرنے کے لیے بنایا گیا ہے۔
ٹور ڈی فرانس 21 روزہ سائیکل ریس ہے جس کا آغاز 5 جولائی کو ہوا ہے اور 27 جولائی تک جاری رہے گی۔
اس ریس میں متحدہ عرب امارات (یو اے ای) شاندار سائیکلنگ کے علاوہ جدت کا مظاہرہ بھی کر رہا ہے۔
