وزیرِ اعظم شہباز شریف نے قطری شہزادی شیخہ اسماء الثانی کو پاکستان کے پہاڑوں اور سیاحت کی برانڈ ایمبیسڈر مقرر کر دیا۔
اس حوالے سے جاری کیے گئے بیان میں وزیرِ اعظم شہباز شریف کا کہنا ہے کہ شیخہ اسماء الثانی کو پہاڑوں اور سیاحت کے لیے برانڈ ایمبیسیڈر مقرر کرتے ہوئےخوشی ہو رہی ہے۔
ان کا کہنا ہے کہ شیخہ اسماء الثانی کو نانگا پربت سر کرنے پر بھی مبارک باد پیش کرتے ہیں۔
وزیرِ اعظم شہباز شریف نے کہا کہ یہ اقدام پاکستان اور قطر کے درمیان قائم دیرینہ دوستی کی روشن مثال بھی ہے۔
انہوں نے یہ بھی کہا ہے کہ شیخہ اسماء الثانی کی کامیابی ہمت، حوصلے اور عزم کا شاندار پیغام ہے۔
