وزیرِ اطلاعات پنجاب عظمیٰ بخاری کا کہنا ہے کہ بانیٔ پی ٹی آئی کے وکیل علیحدہ ملاقات کرتے ہیں اور حکم کریں کیا کریں؟ مطلب کیا جیل میں ایک جلسے کا انتظام کر دیں؟
لاہور سے جاری کیے گئے بیان میں وزیرِ اطلاعات پنجاب عظمیٰ بخاری نے علیمہ خان کے بیان پر ردِعمل کا اظہار کیا ہے۔
ان کا کہنا ہے کہ کہیں تو انتظام کر دیں جیل میں کہ بانیٔ پی ٹی آئی قیدیوں سے خطاب کر سکیں۔
عظمیٰ بخاری نے کہا ہے کہ ٹریفک پولیس نے وزیرِ اعلی کے بیٹے کا چالان کر کے قانون کی حکمرانی کاثبوت دیا، پنجاب میں اب قانون سب کے لیے برابر ہے۔
وزیرِ اطلاعات پنجاب عظمیٰ بخاری نے یہ بھی کہا کہ ماضی میں ایک خاتونِ اوّل کے بیٹے کا چالان کرنے پر پاکپتن کے وارڈن سے ڈی پی او تک تبدیل کر دیے گئے تھے۔
