مہاراشٹرا میں رہنا ہے تو مراٹھی بولنا پڑے گی، بھارتی ریاست مہاراشٹرا میں نیا ٹرینڈ چل پڑا۔
سوشل میڈیا پر مراٹھی نہیں سیکھوں گا کا اعلان کرنے والے سرمایہ کار سُشیل کیڈیا کے دفتر پر مہاراشٹرا نو نرمان سینا کے کارکنوں نے حملہ کردیا، پتھراؤ کر کے دفتر کے شیشے توڑ دیے۔
پارٹی رہنماؤں کی جانب سے دھمکیوں نے کیڈیا کومعافی مانگنے پر مجبور کردیا، مہاراشٹرا نو نرمان سینا پارٹی کے جنرل سیکرٹری منوج چوان نے دھمکی دی تھی کہ مہاراشٹرا میں رہ کر مراٹھی نہ بولنے کا گھمنڈ نہ کریں۔
پارٹی رہنما سندیپ دیشپانڈے نے بھی کیڈیا کو وارننگ دیتے ہوئے کہا کہ اپنا کاروبار سنبھالیں اور مہاراشٹر کی تہذیب کا احترام کریں، ورنہ سخت ردعمل کا سامنا کرنا پڑے گا۔
