ایس ایس پی سٹی عارف عزیز کا کہنا ہے کہ لیاری کراچی میں گرنے والی عمارت کے امدادی کاموں میں لوگوں کے رش کے باعث بہت دشواری کا سامنا رہا۔
کراچی میں ایس ایس پی سٹی عارف عزیز نے میڈیا سے گفتگو کرتے ہوئے کہا کہ ہم فوری طور پر جو مشینری ارینج کر کے لا سکتے تھے وہ لائے۔
ان کا کہنا ہے کہ ہمیں بار بار لوگوں پر لاٹھی چارج کرنا پڑ رہا تھا، ایمبولینسز کا راستہ بھی بلاک ہو رہا ہے، جب تک یہ آپریشن مکمل نہیں ہو گا ہم موجود رہیں گے۔
ایس ایس پی سٹی نے بتایا کہ آئی جی سندھ کے واضح احکامات ہمارے پاس تحریری طور پر ہیں، پولیس زمینوں کے معاملات اور غیر قانونی تعمیرات سے بالکل دور ہے۔
عارف عزیز کا یہ بھی کہنا ہے کہ جو عمارتیں لیاری میں مخدوش قرار دی گئی ہیں انہیں پولیس ضلعی انتظامیہ کے ہمراہ خالی کرائے گی۔
