آج دنیا بھر میں پلاسٹک کی تھیلیوں (پلاسٹک بیگ) سے چھٹکارے کا دن منایا جا رہا ہے۔ پلاسٹک بیگ سے چھٹکارے کا دن منانے کا مقصد پلاسٹک کے تھیلوں کے استعمال کو کم کرنا اور ماحولیات پر اس کے منفی اثرات کے بارے میں آگاہی بڑھانا ہے۔
پلاسٹک کی آلودگی ایک سنگین ماحولیاتی خطرہ ہے اور بطور ذمہ دار شہری اسے ختم کرنا ہمارا فرض ہے۔ یہی وجہ ہے ملک بھر میں ماحول دوست کپڑے اور کاغذ کے تھیلوں کے استعمال کو فروغ دیا جا رہا ہے۔
’پلاسٹک بیگ فری ڈے‘ کے موقع پر وزیرِ اعلیٰ پنجاب مریم نواز نے اپنے پیغام میں کہا کہ پلاسٹک بیگز روز مرہ زندگی میں تھوڑی سی آسانی مگر تباہی زیادہ پھیلاتے ہیں۔
دوسری جانب ماہرینِ ماحولیات کا کہنا ہے کہ پلاسٹک کا استعمال کینسر سمیت دیگر مہلک امراض کی وجہ بن سکتا ہے۔
