ومبلڈن ٹینس ٹورنامنٹ میں نمبر ون سیڈڈ کھلاڑی اٹلی کے جینک سنر نے ہم وطن لوکا لارڈی کو شکست دے دی۔
امریکا کے ٹیلر فرٹز سخت مقابلے کے بعد فرانس کے پیری کارڈ کو شکست دے کر اگلے مرحلے میں پہنچ گئے۔
لندن میں جاری ٹینس ٹورنامنٹ کے پہلے راؤنڈ میں نمبر ون سیڈڈ کھلاڑی اٹلی کے جینک سنر نے ہم وطن لوکا لارڈی کو اسٹریٹ سیٹس میں شکست دے کر اگلے مرحلے کےلیے کوالیفائی کر لیا۔
سنر کی جیت کا اسکور 6-4، 6-3 اور 6-0 رہا۔
ایک اور میچ میں نمبر چار سیڈڈ امریکا کے ٹیلر فرٹز نے فرانس کے پیری کارڈ کو سخت مقابلے کے بعد 3-2 سے شکست دی۔
پہلے دو سیٹس 6-7، 6-7 سے ہارنے کے بعد فرٹز نے کم بیک کیا اور اگلے تینوں سیٹس 7-6، 6-4 اور 6-4 سے جیت کر دوسرے راؤنڈ میں جگہ بنا لی۔
