کراچی (اسٹاف رپورٹر) بنگلہ دیش اور ویسٹ انڈیز کے خلاف ٹی ٹوئنٹی سیریز میں پاکستان کے تین صف اول کے کھلاڑی بابر اعظم، محمد رضوان اور شاہین آفریدی پاکستانی ٹیم کا حصہ نہیں ہوں گے۔ سیریز کے لئے پاکستانی ٹیم کا اعلان اگلے چند دن میں کیا جائے گا۔ امکان ہے کہ پاکستان کی وہی ٹیم سیریز میں حصہ لے گی جس نے بنگلہ دیش کے خلاف ہوم سیریز کھیلی تھی۔ ویسٹ انڈیز کرکٹ بورڈ نے ون ڈے میچوں کو ٹی ٹوئنٹی میچوں میں تبدیل کرنے کی تجویز کا ابھی تک جواب نہیں دیا۔ سیریز کا شیڈول طے پانے کے بعد بنگلہ دیش اور ویسٹ انڈیز کے دورہ کے لیے بھی اسکواڈ کا اعلان کردیا جائے گا۔ پاکستان ٹی ٹوئنٹی ٹیم کا تربیتی کیمپ8 جولائی سے کراچی میں شیڈول ہے جس کی نگرانی مائیک ہیسن کریں گے۔
