لندن (جنگ نیوز) دنیا کے سب سے باوقار ٹینس ایونٹ ویمبلڈن چیمپئن شپ کاآغاز ہوگیا۔ پہلے دن جہاں کئی بڑے اپ سیٹ ہوئے وہیں شائقین اور کھلاڑی بھی سخت گرمی سے اپ سیٹ رہے۔ دفاعی چیمپئن کارلوس الکاراز کو پہلے راؤنڈ میں اٹلی کے فابیو فوگنینی کے خلاف پانچ سیٹس کی سخت مقابلےکے بعد کامیابی ملی۔ خواتین سنگلز میں ٹاپ سیڈ ارینا سبالنکا نے آسانی سے دوسرے راؤنڈ میں جگہ بنائی ۔ نویں سیڈ ڈینیل میدویدیف کو فرانس کے بینجمن بونزی نے ہرا کر ٹورنامنٹ سے باہر کر دیا۔ خواتین میں جیلینا اوسٹاپینکو کو برطانوی وائلڈ کارڈ سونے کارٹل نے حیران کن شکست دی۔
