پاکستانی پاسپورٹ کی عالمی درجہ بندی میں بہتری کے بعد پاکستانی پاسپورٹ کے حامل شہری اب 32 ممالک کا ویزا فری یا آن ارائیول کے ساتھ سفر کر سکتے ہیں۔
رہائش و شہریت سے متعلق بین الاقوامی مشاورتی فرم ہینلے اینڈ پارٹنرز کے جاری کردہ تازہ اعداد و شمار کے مطابق پاکستان کا پاسپورٹ اب دنیا بھر میں 100ویں نمبر پر ہے، جو اس سے قبل 113ویں نمبر پر تھا۔
ہینلے اینڈ پارٹنرز 2025ء کے پاسپورٹ انڈیکس میں سنگاپور کا پاسپورٹ 193 مقامات تک بغیر ویزا کے رسائی کے ساتھ سرفہرست ہے جبکہ جاپان اور جنوبی کوریا 190 ممالک تک رسائی کے ساتھ دوسرے نمبر پر ہیں۔
یورپی ممالک بشمول ڈنمارک، فن لینڈ، فرانس، جرمنی، آئرلینڈ، اٹلی اور اسپین تیسرے نمبر پر ہیں، جن کے پاسپورٹ 189 ممالک میں ویزا فری داخلے کی اجازت دیتے ہیں۔
پاکستانی پاسپورٹ رکھنے والے جن ممالک میں بغیر ویزا یا ویزا آن آرائیول سفر کرسکتے ہیں ان میں یہ 32 ممالک شامل ہیں۔
- بارباڈوس
- برونڈی
- کمبوڈیا
- کیپ وردے جزائر
- کومورو جزائر
- کوک جزائر
- جبوتی
- ڈومینیکا
- گنی بساؤ
- ہیٹی
- کینیا
- مڈغاسکر
- مالدیپ
- مائیکرونیشیا
- مونٹسیرات
- موزمبیق
- نیپال
- نیو
- پلاؤ جزائر
- قطر
- روانڈا
- ساموا
- سینیگال
- سیشیلز
- سیرا لیون
- صومالیہ
- سری لنکا
- سینٹ ونسنٹ اور گریناڈائنز
- مشرقی تیمور
- ٹرینیڈاڈ ایںڈ ٹوباگو
- تووالو
- وانواتو
