وزیراعظم شہباز شریف اور چوہدری نثار کے درمیان سیاسی امور پر تبادلہ خیال ہوا ہے۔
ذرائع کے مطابق وزیراعظم شہباز شریف چوہدری نثار کی رہائش گاہ پہنچے جہاں انہوں نے سابق وفاقی وزیر کی عیادت کی، ملاقات میں ملکی موجودہ سیاسی صورتحال پر بات چیت بھی کی گئی۔
اس موقع پر وزیراعظم شہباز شریف نے کہا کہ چوہدری صاحب آپ تو ہمیں بھول ہی گئے۔
ذرائع کے مطابق چوہدری نثار نے جواب دیا کہ نہیں نہیں میاں صاحب، بس طبیعت ٹھیک نہیں رہتی،وزیراعظم نے چوہدری نثار سے گفتگو کرتے ہوئے کہا کہ اب آپ اپنے گھر واپس آجائیں، جس پر چوہدری نثار نے وزیراعظم کو جواب دینے کے لیے کچھ وقت مانگ لیا۔
ذرائع کے مطابق وزیراعظم اور سابق وزیر داخلہ کے درمیان ٹیلی فونک رابطے بھی موجود ہیں۔
