لاہور(خالدمحمودخالد) بھارت میں نچلی ذات کے افراد کے ساتھ گھٹیا سلوک کرنے کی روش ختم نہیں ہوسکی۔ بھارتی ریاست آندھرا پردیش میں ایس وی ویٹرنری یونیورسٹی کے ڈیری ٹیکنالوجی کالج کے پرنسپل کی طرف سے دلت اسسٹنٹ پروفیسر ڈاکٹر روی کو مبینہ طور پر ذات پات کے امتیازی سلوک کا سامنا کرنا پڑا پرنسپل نے ان کے کمرے سے کرسی ہٹا دی جس کے باعث دلت ڈاکٹر روی فرش پر بیٹھ کر کام کرنے پر مجبور ہوگئے۔
