کینیا میں حکومت مخالف مظاہروں میں ہلاکتوں کی تعداد 16 تک پہنچ گئی، زیادہ تر پولیس فائرنگ سے جان کی بازی ہار گئے۔
ایمنسٹی کینیا کی رپورٹ کے مطابق کینیا میں متنازع مالیاتی بل پر ملک گیر احتجاج کا ایک سال مکمل ہوگیا، گذشتہ برس کے احتجاجی مظاہروں میں بھی کئی افراد ہلاک ہوئے تھے۔
دارالحکومت نیروبی سمیت مختلف شہروں میں احتجاجی ریلیاں نکالی گئیں، پولیس نے مظاہرین پر فائرنگ اور آنسو گیس کی شیلنگ کی، جس کے نتیجے میں 16 افراد ہلاک اور 400 سے زیادہ زخمی ہوگئے۔
ایمنسٹی کینیا کی رپورٹ کے مطابق زخمیوں میں مظاہرین، صحافی اور پولیس اہلکار شامل ہیں جبکہ حکومت نے میڈیا کو احتجاج کی براہ راست کوریج سے روک دیا ہے۔
احتجاج سے متعلق حکومتی احکامات کی خلاف ورزی پر 2 مقامی چینل آف ایئر کردیے گئے ہیں۔
