کراچی (اسٹاف رپورٹر) لاہور میں پنجاب اسٹیڈیم کا ٹارٹن ٹریک خستہ حالی کا شکار ہے جس پر ارشد ندیم و دیگر ایتھلیٹس کو مشکلات کا سامنا ہے۔ اسٹیڈیم میں ارشد ندیم اور دیگر ایتھلیٹس نے اتنی ٹریننگ کی کہ ٹارٹن ٹریک کا مخصوص حصہ گھس گیا ہے ۔ ارشد ندیم اسی ٹریک پر ورلڈ ایتھلیٹکس چیمپئن شپ کی تیاری کر رہے ہیں ۔ حکومت پنجاب نے نئے مالی سال میں پنجاب اسٹیڈیم کی اپ گریڈیشن کیلئے بجٹ رکھاہے لیکن اس میں ٹارٹن ٹریک شامل نہیں۔
