محرم الحرام کا چاند دیکھنے کیلئے مرکزی رویت ہلال کمیٹی کا اجلاس کوئٹہ میں جاری ہے۔
اجلاس کی صدارت مرکزی رویت ہلال کمیٹی کے چیئرمین مولانا عبدالخبیر آزاد کر رہے ہیں، زونل اور ضلعی رویت ہلال کمیٹیوں کے اجلاس ان کے متعلقہ ہیڈکوارٹرز میں ہورہے ہیں۔
اسپارکو حکام کا کہنا ہے کہ کوئٹہ میں موسم گرد آلود ہے، موسم بہتر ہونے پر محرم کا چاند نظر آنے کا امکان ہے، کوئٹہ میں چاند کے نظر آنے کا دورانیہ 35 منٹ ہے، ساحلی علاقوں گوادر، پسنی اور جیوانی میں چاند نظر آنے کا امکان ہے۔
