جامعہ کراچی کے سابق وائس چانسلر ڈاکٹر ظفر سعید سیفی کو پروفیسر آف ایمرٹس مقرر کیا جا رہا ہے۔
اس حوالے سے اراکین سنڈیکیٹ سے بائی سرکولیشن منظوری لی جارہی ہے۔ ذرائع کے مطابق ڈاکٹر ظفر سعید سیفی کو وزیر اعلیٰ سندھ کی سفارش پر پروفیسر آف ایمرٹس مقرر کیا جا رہا ہے۔
وہ 12 جنوری 2001 سے لے کر یکم جنوری 2004 تک جامعہ کراچی کے وائس چانسلر رہے۔
اس سے قبل جامعہ کراچی میں ڈاکٹر پیرزادہ قاسم رضا صدیقی، ڈاکٹر قیصر اور ڈاکٹر عطاالرحمان کو پروفیسر آف ایمرٹس مقرر کیا جاچکا ہے۔
