اسپیکر قومی اسمبلی سردار ایاز صادق نے اسمبلی سیکریٹریٹ کے ملازمین کی فلاح و بہبود کےلیے بڑا قدم اٹھالیا۔
اعلامیے کے مطابق پارلیمنٹ ہاؤس میں نجی بینک کے ساتھ آسان شرائط پر قرض اسکیم کی مفاہمتی یادداشت پر دستخط ہوگئے۔
اسپیکر ایاز صادق نے کہا کہ قومی اسمبلی ملازمین کےلیے آسان شرائط پر قرض کی سہولت میسر ہوگی۔
انہوں نے مزید کہا کہ قرض اسکیم سے کم آمدنی والے ملازمین کےلیے اپنا گھر بنانا یا خریدنا آسان ہوجائے گا۔
اس اقدام پر قومی اسمبلی سیکریٹریٹ کے افسران اور عملے نے اسپیکر ایاز صادق کا شکریہ ادا کیا ہے۔
