وزیراعظم شہباز شریف کی ایرانی صدر مسعود پزشکیان سے ٹیلیفونک گفتگو میں پاکستان نے تمام سفارتی فورمز پر ایران کی حمایت کا اعادہ کیا ہے۔
ایران اور اسرائیل میں سیز فائر کے بعد وزیراعظم شہباز شریف نے ایرانی صدر سے رابطہ کیا اور امن کی بحالی کےلیے مذاکرات اور سفارتکاری پر زور دیا۔
شہباز شریف نے مسعود پزشکیان سے گفتگو میں تمام سفارتی فورمز پر ایران کےلیے پاکستان کی حمایت کا اعادہ کیا۔
ایرانی صدر نے حالیہ کشیدہ صورتحال میں پاکستان کی مستقل اور اصولی حمایت پر شہباز شریف کا شکریہ ادا کیا۔
مسعود پزشکیان نے اعتراف کیا کہ تنازع کے پرامن حل کو فروغ دینے میں پاکستان نے تعمیر کردار ادا کیا۔
شہباز شریف نے کہا کہ دونوں رہنماؤں نے اس مشکل وقت میں امت کے درمیان اتحاد کی اہمیت اور باہمی رابطے میں رہنے پر اتفاق کیا ہے۔
