اسلام آباد:
فیڈرل بورڈ آف ریونیو (ایف بی آر) نے ای انوائسنگ اور سیلز ٹرانزیکشنز کے حوالے سے کارپوریٹ اور نان کارپوریٹ سیکٹر کیلیے پرال یا ایف بی آر کی لائسنس یافتہ کمپنیوں کے ذریعے ایف بی آر کے کمپیوٹر سسٹم کے ساتھ منسلک کرنے کی معیاد میں یکم جولائی اور یکم اگست 2025 تک مزید توسیع کردی ہے۔
نوٹیفکیشن میں کہا گیا ہے کہ کارپوریٹ اور نان کارپوریٹ سیکٹر کو اپنے سافٹ ویئر پرال یا ایف بی آر کی لائسنس یافتہ کمپنیوں کے ذریعے ایف بی آر کے کمپیوٹر سسٹم کیساتھ منسلک کروانا ہونگے۔
کارپوریٹ سیکٹر کے رجسٹرڈ ٹیکس دہندگان کو یکم جولائی2025 سے جبکہ نان کارپوریٹ سیکٹر کے رجسٹرڈ ٹیکس دہندگان کو یکم اگست2025 سے اپنے سافٹ ویئر پرال یا ایف بی آر کی لائنسنس یافتہ کمپنیوں کے ذریعے ایف بی آر کے کمپیوٹر سسٹم کے ساتھ منسلک کروانا ہونگے۔
