میامی(جنگ نیوز) فیفا کلب ورلڈ کپ کے گروپ ڈی کے سنسنی خیز مقابلے میں برازیلی کلب فلیمینگو نے انگلش پریمیئر لیگ کے بڑے کلب چیلسی کو 3-1 سے شکست دے کر ٹورنامنٹ میں اپنی دوسری مسلسل فتح حاصل کر لی۔ میچ کا آغاز چیلسی کے لیے شاندار رہا جب پیڈرو نیٹو نے ابتدائی ہاف میں گول کر کے اپنی ٹیم کو برتری دلا دی۔ پریمیئر لیگ سائیڈ نے اپنی برتری کو بڑھانے کے کئی مواقع ضائع کیے،چیلسی کے فارورڈ نکولس جیکسن کو 68ویں منٹ میں ایک خطرناک چیلنج پر ریڈ کارڈ دکھا دیا گیا، جس سے چیلسی کی مشکلات میں مزید اضافہ ہو گیا۔ والیس یان نے میچ کے آخری لمحات میں ایک اور گول کر کے فلیمینگو کی 3-1 سے فتح کو یقینی بنا دیا۔
