وزیرثقافت و سیاحت سندھ ذوالفقار علی شاہ کا کہنا ہے کہ امن امان سے متعلق اجلاس کرنے سے روکنا شرمناک ہے۔
ذوالفقار علی شاہ نے اپنے بیان میں کہا کہ گورنر ہاؤس آئینی جگہ ہے، کسی جماعت کا سیکٹر یا یونٹ نہیں بننے دیں گے۔
اُنہوں نے کہا کہ قائم مقام گورنر کے احکامات کی خلاف ورزی کرنے والوں کے خلاف کارروائی کی جائے۔
ذوالفقارعلی شاہ نے کہا کہ کسی بھی آئینی ادارے پرآئین کے بجائے ذاتی اجارہ داری قبول نہیں کریں گے۔
اُنہوں نے مزید کہا کہ کراچی کا امن خراب کرنے والے ہی آج امن و امان سے متعلق اجلاس سے روک رہے ہیں۔
