چیئرمین پاکستان تحریک انصاف (پی ٹی آئی) بیرسٹر گوہر نے پارلیمنٹ کے لیے 16 ارب کا بجٹ رکھنے پر سوال اٹھادیا۔
قومی اسمبلی اجلاس سے خطاب میں بیرسٹر گوہر نے کہا کہ بھارت کی پارلیمنٹ ہم سے بڑی ہے، ان کا بجٹ صرف ساڑھے 5 ارب روپے ہے۔
انہوں نے کہا کہ ہماری قومی اسمبلی آدھا گھنٹہ بھی نہیں چلتی ہے، بتائیں کہ اس کےلیے 16 ارب روپے کا بجٹ کیوں رکھا گیا ہے؟
چیئرمین پی ٹی آئی نے مزید کہا کہ خواجہ آصف کو تب یاد کیوں نہیں آیا جب پنجاب حکومت نے 800 فیصد تک تنخواہیں بڑھائیں۔
اُن کا کہنا تھا کہ انکم ٹیکس سلیب میں بہت غلطیاں ہیں، 22 لاکھ روپے سالانہ آمدن تک کوئی ٹیکس نافذ نہ کیا جائے، ہمیں سوچنا ہو گا ہم عوام کو کیا دے رہے۔
