سعودی عرب کی قومی فضائی کمپنی سعودیہ نے ایک اہم سنگ میل حاصل کرلیا جب کہ اس کی برانڈ ویلیو 1.1ارب ڈالرز کی سطح پر پہنچ گئی جو گزشتہ برس کے مقابلے میں 34فیصد زائد ہے۔
رپورٹ کے مطابق یہ کامیابی عالمی ایوی ایشن انڈسٹری میں جدت اور عمدہ کارکردگی کیلئے سعودیہ کے عزم کو واضح کرتی ہے۔
ایک سرکردہ اور آذاد برانڈ ویلیو ایشن کنسلٹنسی ادارے ”برانڈ فنانس“نے اس گروتھ کو2025کیلئے عالمی سطح پر ایئر لائنز برانڈز پر اپنی جامع سالانہ رپورٹ میں بھی تسلیم کیا ہے۔
اس عمل میں برانڈ کی ویلیو ایشن کے تعین کیلئے مختلف عوامل پر غور کیا جاتا ہے، جس میں کاروباری کارکردگی،اسٹریٹجک اقدامات اور مسافروں کے تاثرات وغیرہ شامل ہوتے ہیں۔
اس سنگ میل کے حصول میں اہم کامیابیوں میں سعودیہ گروپ کا ایئر بس کے ساتھ 105طیاروں کی خریداری کا تاریخی معاہدہ بھی شامل ہے۔
اس کے علاوہ BLVD رن وے تھیم پارک کی تعمیر، اسکائی ٹریکس کی جانب سے سال2024کیلئے دنیا کی سب سے بہترین فضائی کمپنی کا اعزاز دیا گیا۔
ترجمان سعودیہ ائیر نے کہا کہ پروازوں کی بروقت آمد و رفت کی شاندار شرح،اور مسافروں کے شاندار سفری تجربے کیلئے متعدد ایوارڈ نے سعودیہ کی ساکھ اور مقبولیت میں اضافہ کیا ہے۔
