ایران نے خبردار کرتے ہوئے کہا ہے کہ جنگ میں کسی کی شمولیت سے مکمل جنگ اور خطے کےلیے سنگین نتائج ہوں گے۔
ترجمان ایرانی وزارت خارجہ نے کہا کہ تمام ممالک کی جانب سے اسرائیلی حملے کی مذمت کو سراہتے ہیں، اس وقت ہمیں دشمن سے جنگ اور اپنی سرزمین کے دفاع پر توجہ مرکوز کرنی ہے۔
دوسری جانب ایران کے پاسداران انقلاب نے کہا ہے کہ میزائلوں کی گیارہوں لہر صیہونی شرپسندوں کی خود ساختہ اقتدار کی تباہی کا نقطۂ آغاز ہے۔
انہوں نے کہا کہ صیہونی دفاعی نظام ایران کے میزائل حملوں کے آگے بےبس نظر آ رہا ہے، اسرائیل کے خلاف تازہ حملوں میں فتح-1 ہائپر سونک میزائلوں کا استعمال کیا گیا ہے۔
ادھر ایرانی شہر ورامن کے گورنر کا کہنا ہے کہ ایران نے ایک اور اسرائیلی F-35 لڑاکا طیارہ مار گرایا ہے۔
ایرانی سرکاری میڈیا رپورٹس کے مطابق ورامن کے گورنر حسین عباسی نے بتایا کہ فوج کے فضائی دفاعی نظام نے انتہائی جدید لڑاکا طیارے کو مار گرایا ہے۔
ان کا کہنا تھا کہ فضائی دفاعی نظام نے تہران کے جنوب مشرق سے تقریباً 35 کلو میٹر دور شہر ورامن کے قریب اسرائیلی لڑاکا طیارہ مار گرایا۔
