امریکی صدر ڈونلڈ ٹرمپ نے کہا ہے کہ تہران جنگ نہیں جیت رہا، ایران کو ہر حال میں مذاکرات پر آنا ہوگا۔
کینیڈا میں جی 7 اجلاس کے موقع پر گفتگو میں ٹرمپ نے کہا کہ ایران کو کشیدگی کم کرنے پر بات کرنی چاہیے، اس سے پہلے کہ بہت دیر ہوجائے۔
انہوں نے کہا کہ ہم نے ہمیشہ اسرائیل کی حمایت کی ہے، تل ابیب اس وقت بہت اچھا کررہا ہے۔
امریکی صدر نے ایران کے کشیدگی میں کمی کےلیے عرب ممالک کو بھیجے گئے پیغامات پر کہا کہ ایران بات چیت کرنا چاہتا ہے لیکن یہ انہیں پہلے کرنا چاہیے تھا۔
اُن کا کہنا تھا کہ انہیں 60 روز دیے گئے لیکن 61ویں روز تک معاہدہ نہیں کیا گیا، یہ دونوں فریقین کے لیے دردناک ہے۔
