ایران کی جانب سے ہفتے کی علی الصبح اسرائیل پر چوتھا میزائل حملہ کیا گیا۔ جس میں ایک میزائل تل ابیب کے عین وسط میں ہدف پر آکر گرا ۔
دھماکے کے بعد سائرن کی آواز وں میں اضافہ ہوگیا۔ تل ابیب میں بھی سائرن کی آوازیں سنائی دی گئیں۔
اسرائیلی فوج نے کہا ہے کہ ایران کی جانب سے فائر کئے گئے میزائلوں کو روکنے کے لیے دفاعی نظام متحرک ہے، عوام کو محفوظ مقامات پر منتقل ہونے کی ہدایت کی گئی ہے۔
پاسداران انقلاب کے کمانڈر کا کہنا ہے کہ جب تک ضروری ہوا، ایران کی جوابی کارروائی جاری رہے گی۔
انہوں نے کہا کہ اسرائیل پر خیبر میزائل جلد ہی داغے جائیں گے، دنیا حیران رہ جائے گی۔
اسرائیلی میڈیا کے مطابق ایرانی میزائل حملوں کے دوران اب تک 4 اسرائیلیوں کے ہلاک ہونے کی تصدیق ہوئی ہے، زخمیوں کی تعداد 60 سے زیادہ ہے۔
