امریکا نے آزاد فلسطینی ریاست کے قیام کی پالیسی ترک کرنے کا اعلان کردیا۔
اسرائیل میں امریکا کے سفیر مائیک ہکابی نے ایک انٹرویو میں کہا کہ فلسطینی ریاست کا قیام اب امریکی مقاصد میں شامل نہیں، اگر کوئی فلسطینی ریاست بنی بھی تو وہ کسی مسلم ملک کی سرزمین پر بنائی جائے گی۔
انہوں نے مزید کہا کہ اسرائیلی سرحدوں کے اندر کسی فلسطینی ریاست کا قیام اب امریکا کی ترجیح نہیں۔
تجزیہ کاروں کا کہنا ہے کہ اسرائیل میں امریکی سفیر کا یہ بیان مشرق وسطیٰ کے لیے امریکا کی سفارتی پالیس میں واضح تبدیلی کا اعلان ہے۔
دوسری جانب امریکی محکمہ خارجہ کا کہنا ہے کہ فلسطینی ریاست سے متعلق امریکی سفیر کی ذاتی رائے ہے۔
