یوکے ہیلتھ سیکورٹی ایجنسی نے رواں برس پہلا یلو ہیٹ ہیلتھ الرٹ جاری کر دیا۔
لندن سے میڈیا رپورٹ کے مطابق برطانیہ کے بعض حصوں میں درجہ حرارت 30 سینٹی گریڈ متوقع ہے، ہیلتھ الرٹ جمعرات کی شام 9 بجے سے اتوار کی صبح آٹھ بجے تک ہوگا۔
یہ ہیلتھ الرٹ ایسٹ انگلینڈ، ایسٹ مڈلینڈز، لندن اور ساؤتھ ایسٹ ریجن کے لیے ہوگا۔ ہیلتھ الرٹ کا مطلب یہ ہے کہ کمزور افراد کو ہیلتھ کیئر سروس کی ضرورت پڑ سکتی ہے۔
میڈیا رپورٹ کے مطابق پلے ماؤتھ اور ویلز میں گرج چمک کے ساتھ تیز بارش کا امکان ہے۔
میڈیا رپورٹ کے مطابق انگلینڈ میں جمعہ کو درجہ حرارت 30 سے 31 سینٹی گریڈ تک جا سکتا ہے۔
