یورپی یونین نے متحدہ عرب امارات کو منی لانڈرنگ کی “ہائی رسک” فہرست سے نکال دیا۔
خبر ایجنسی کے مطابق بارباڈوس، جمیکا، جبرالٹر، پاناما، فلپائن، سینیگال اور یوگنڈا بھی ہائی رسک فہرست سے خارج کر دیے گئے۔
موناکو، الجزائر، انگولا، آئیوری کوسٹ، کینیا، لاؤس، لبنان، نمیبیا، نیپال اور وینزویلا فہرست میں شامل کیے گئے ہیں۔
یورپی یونین کا کہنا ہے کہ موناکو کی 2024 سے نگرانی کر رہے ہیں، بین الاقوامی معیار کے مطابق فہرست کو اپڈیٹ کیا گیا ہے۔
یورپی پارلیمنٹ اور رکن ممالک کی منظوری کے بعد نئی فہرست ایک ماہ میں نافذ ہوگی۔
