کراچی:
بھارتی فاسٹ بولر جسپریت بمراہ پاکستان کے لیجنڈ فاسٹ بولر وسیم اکرم کا منفرد ریکارڈ توڑنے کے قریب پہنچ گئے۔
بھارت اور انگلینڈ کے درمیان پانچ میچوں پر مشتمل ٹیسٹ سیریز کا آغاز 20 جون سے ہوگا جس میں جسپریت بمراہ وسیم اکرم کا تاریخی ریکارڈ توڑنے سے صرف دو وکٹوں کی دوری پر ہیں۔
وسیم اکرم نے سینا ممالک (SENA-South Africa, England, Newzeland and Australia) میں سب سے زیادہ 146 وکٹیں 32 ٹیسٹ میچز میں حاصل کی ہیں۔
دوسری جانب جسپریت بمراہ سینا ممالک میں 31 ٹیسٹ میچز کھیل کر 145 وکٹیں لے چکے ہیں اور انہیں وسیم اکرم کا ریکارڈ توڑنے کیلئے مزید دو وکٹوں کی ضرورت ہے۔
مجموعی طور پر جسپریت بمراہ نے 45 ٹیسٹ میچز میں 205 وکٹیں لے رکھی ہیں۔
