پاکستان کرکٹ بورڈ (پی سی بی) نے ایڈوائزری کمیٹی تشکیل دینے کا فیصلہ کر لیا۔
ذرائع کا کہنا ہے کہ ایڈوائزری کمیٹی کرکٹ کے تمام معاملات آبزرو کرے گی، ایڈوائزری کمیٹی کرکٹ معاملات آبزرو کرنے کے بعد تجاویز دے گی۔
کمیٹی میں سابق فاسٹ بولر سکندر بخت، سابق کپتان سرفراز احمد کو شامل کیے جانے کا امکان ہے۔
ذرائع کے مطابق سکندر بخت اس حوالے سے کرکٹ بورڈ حکام سے ملاقات کےلیے لاہور میں موجود ہیں۔
ذرائع نے یہ بھی بتایا کہ پاکستان کرکٹ بورڈ جلد کمیٹی سے متعلق باضابطہ اعلان کرے گا۔
