شہر قائد کے علاقے اورنگی ٹاؤن سے تعلق رکھنے والا شہری نگلیریا کے باعث انتقال کرگیا۔
محکمہ صحت سندھ نے کراچی میں نگلیریا سے ایک اور شہری کے جاں بحق ہونے کی تصدیق کرتے ہوئے بتایا کہ متوفی اورنگی ٹاؤن کا رہائشی تھا۔
محکمہ صحت کے مطابق مریض کو 28 مئی 2025 کو علامات ظاہر ہوئی جس کے بعد اُسے 30 مئی کو اسپتال میں داخل کیا گیا۔
اس کے بعد 2 جون کو ہونے والے ٹیسٹ میں نگلیریا فولیری کی موجودگی کی تصدیق ہوئی اور پھر وہ دو روز کے اندر انتقال کرگیا۔
محکمہ صحت کے مطابق سندھ میں رواں سال نگلیریا سے جاں بحق ہونے والوں کی تعداد دو ہوگئی اور دونوں کا تعلق کراچی سے ہی ہے۔
