قومی ٹیم کے مڈل آرڈر بیٹر سلمان آغا کو پاکستانی ٹی20 ٹیم کا کپتان بنوانے والے سابق کرکٹر کے نام سے پردہ اُٹھ گیا۔
میڈیا رپورٹس کے دعویٰ کیا گیا ہے کہ پاکستان کرکٹ بورڈ (پی سی بی) کے چیئرمین محسن نقوی نے سابق فاسٹ بالر وہاب ریاض کی سفارش پر آغا سلمان کو پاکستان کا نیا ٹی20 کپتان مقرر کیا۔
رپورٹس میں انکشاف کیا گیا ہے کہ دورہ نیوزی لینڈ کیلئے ٹی20 کپتانی کے حوالے سے اندرونی بات چیت کے دوران اکثریت نے محمد رضوان کی جگہ شاداب خان کو نیا کپتان مقرر کرنے کی حمایت کی تھی۔
مزید پڑھیں: اظہر محمود کو ٹیم مینجمنٹ کے عہدے سے کیوں ہٹایا گیا؟ حیران کُن وجہ
تاہم سابق کرکٹر وہاب ریاض، جو اس وقت پاکستان کرکٹ بورڈ (پی سی بی) کے اہم عہدے پر فائز تھے، انہوں نے آغا سلمان کی بطور کپتان تقرری پر زور دیا۔
دورہ نیوزی لینڈ سے قبل اجلاس بلایا گیا جس میں ہیڈکوچ مائیک ہیسن، آغا سلمان، عاقب جاوید، علیم ڈار اور حسن چیمہ نے شرکت کی تھی، نئے ٹی20 کپتان کے انتخاب پر مینٹور کی موجودگی میں سلیکٹرز سے بھی مشاورت کی گئی۔
مزید پڑھیں: سلیکشن کمیٹی میں پھر بڑی تبدیلیاں ہونے کا امکان
مینٹورز شعیب ملک اور وقار یونس پیشگی وعدوں کی وجہ سے اجلاس میں شرکت نہیں ہوسکے جبکہ مصباح الحق، ثقلین مشتاق اور سرفراز احمد نے چیئرمین پی سی بی کو ٹی20 کی کپتانی شاداب خان کے نام کی حمایت کی تھی۔
مزید پڑھیں: مینٹورز 2 کروڑ روپوں کیلئے برطرفی کے انتظار میں!
بعدازاں پی سی بی چیئرمین نے مبینہ طور پر اجلاس کے شرکاء کو ہدایت کی کہ وہ وہاب ریاض سے ایک گھنٹے تک ملاقات کریں اور بتائیں کہ شاداب خان (جو پلیئنگ الیون میں اپنی جگہ بنانے کیلئے جدوجہد کررہے تھے) کو کپتان کیوں مقرر کیا جائے یا سلمان آغا کو۔
اجلاس میں سابق کرکٹر وہاب ریاض آل راؤنڈر سلمان آغا کے نام پر قائل کیا اور یوں انکے نام پر اتقاق ہوا۔
