کرکٹ کی تاریخ میں تاخیر سے میچ کا ٹاس ہونے کا انوکھا واقعہ رونما ہوگیا۔
میزبان انگلینڈ کے خلاف ایک روزہ سیریز کھیلنے والی ویسٹ انڈیز کرکٹ ٹیم کی بس ٹریفک میں پھنسنے کے بعد 40 منٹ تاخیر سے اوول گراؤنڈ پہنچی۔
دونوں ممالک کے درمیان تیسرے ایک روزہ میچ کا ٹاس 40 منٹ تاخیر سے ہوا۔
انگلینڈ کرکٹ ٹیم کے کھلاڑیوں نے بھی ٹریفک کا توڑ نکالا، جوز بٹلر، لیوک ووڈ اور ثاقب سمیت کچھ کھلاڑی سائیکل پر اسٹیڈیم پہنچے۔
شیڈول کے مطابق ٹاس مقامی وقت کے مطابق ساڑھے12 بجے ہونا تھا اور میچ 1 بجے شروع ہونا تھا، میچ میں انگلینڈ نے ٹاس جیت کر فیلڈنگ کا فیصلہ کیا۔
